كتبت رنا أسعد : كبرنا .. وصغرت الدنيا

 

كتبت رنا أسعد :

كبرنا .. وتلون التلفزيون .. و انتقل ساعي البريد للإيميلات بالاجهزة المحمولة .

وحكواتي الضيعة سكن بقصر ويكبيديا .

انتقلو البياعين المتجولين ل “أمازون”.
وصار الأدب نقراه من adobe ..
كبروا الأصدقاء ، وما عادت تجمعنا قلوب .. ما عادوا يتخانقوا ويعلنوا الحرب بِ الخنصر ، الحرب الأقصر في التاريخ !
كبروا الرفقات ، كل واحد راح بطريق .
ال” بحبك قد الدنيا “ كذّبتها الدنيا  ..
ومن وقت برمنا ظهورنا لبعض ما عاد في فتحي ياوردة طبقي يا وردة ..
و الكيس المليان بِ الدبابيس انغرز بقلوبنا ..
كبروا الاولاد لما صغرت الدنيا .
كل اللي قاصدة قولوا .. انو لما كنا صغار..
كانت الدنيا كبيرة كتير …

كبرنا نحن .. وصغرت الدني .. و ما عادت عم تساع الكل ..

شو مشتاقة لهيديك الأيام ..
شو مشتاقة لحضن امي وبيي وصوت اخواتي بالبيت ..
شو مشتاقة لبيت ستي و جدي ..
شو مشتاقة لطرقات الضيعة .. ونبعة الماي .. لصوت الجيران عم يفيقوا بعض لانو طلعت الشمس ..

رزق الله ع هيديك الايام ..

بقلم : رنا محمد أسعد ..

اضف رد

لن يتم نشر البريد الإلكتروني .

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

x

‎قد يُعجبك أيضاً

كتب عمر سعيد : عقدة النص بين شاكوش الكاتب وأسنان القارىء

Share this on WhatsApp  عقدة النص بين شاكوش الكاتب وأسنان القارىء لا احد يعلم الظروف ...